CB Noia Lolita Moda 71-61 Obradoiro Vedra
Vibrante encontro o disputado na mañá do domingo no Alonso Rodriguez entre o CB noia Lolitamoda e os composteláns do Obradoiro Vedra. Chegaban os picheleiros coma único equipo invicto de tódolos que están no grupo que pelexa por acadar o pase ao campeonato galego de 2ª división. Comezaban adiantandose os composteláns, pero non tardarían os noieses en tomala dianteira no marcador. Nun primeiro cuarto de intercambio de canastras, os locais pecharían os 10 primeiros minutos cunha tíbia renta de 2 puntos, 13 a 11.
No segundo período comezaban os problemas de faltas para os de noia, o que unido os rápidos contrataques visitantes, propiciaba que os picheleiros chegasen ao descanso cunha renta de 2 puntos. Tralo paso polos vestiarios, o encontró mantiña a igualdade, cos visitantes facendo moito daño cas súas transicións.
Chegaban os piores momentos para os noieses no inicio do último período. OS visitantes lograban unha unha máxima renta de 6 puntos, 48 a 54, o que sumado aos problemas de faltas cos seus xogadores grandes, complicaba o encontró para os locais. Maila así, apretaban os noieses trala saida dun tempo morto e conseguían un parcial que volteba o marcador cunha canastra de Eloy Nieto, 57 a 56. Desfrutaban dos mellores momentos agora os locais que se situaban con 5 puntos de vantaxe a fata de 2 minutos. Nestes 2 minutos, perdían os noieses a dúas pezas importantes, Roi (eliminado por faltas) e David (retirábase por lesión), e os visitantes aferrábanse ao encontro. Finalmente, e tras un gran traballo en equipo, os noieses conseguían un importante triunfo por 10 puntos, 71 a 61
